Eyali Katikkiro wa Uganda, Polof. Apolo Robin Nsibambi ayingidde mu byafaayo era alese likodi nga bamuziika e Buloba ku lwe Mityana.
Mu Uganda, ye Katikkiro wa Uganda akyasiinze okuwangalira mu ntebbe.
Oluvanyuma lw’okufa sabiti ewedde ku Lwokubiri, nga 28, May, 2019 abantu bangi n’okusingira ddala abakulembeze bamwogeddeko ebirungi bingi okutuusa lwe yaziikiddwa olunnaku olw’eggulo ku Lwokubiri nga 4, June, 2019.
Mu byafaayo, ye munnayuganda asoose nga muntu wabuligyo emikolo gy’okuziika okulemberwamu amaggye.
Ye munnayuganda asoose nga muntu wabuligyo, okutwala ssanduuku ye mu Lutikko e Namirembe okusabira omwoyo gwe ng’esituddwa abamaggye abali ku ddaala lye Brigadier General.
Era mu byafaayo bya Uganda, ye munnayuganda asoose nga muntu wabuligyo okumukubira emizinga 17 mu kiseera ky’okuziika.
