Bya Nalule Aminah
Poliisi mu Kampala ekutte omusajja ateega abantu ku byuma bya ATM n’ababbako kaadi zaabwe oluvanyuma lw’okukozesa olukujjukujju n’azikoseza okuggya ssente ku akawunti zaabwe.
Ampurira Ronald myaka 35 yakwattiddwa era mu kiseera kino ali ku Poliisi y’e Bulenga ku misango gy’obubbi n’okufuna ssente mu lukujjukujju mu Kampala ne Wakiso.
Okusinzira ku mwogezi wa Poliisi mu Kampala n’emirirwano Patrick Onyango, Ampurira yakwatiddwa poliisi oluvannyma lw’okumunoonyeza akaseera olw’okuteega abantu ku byuuma bya ATM ebyenjawulo nga yeefudde agenze okuyamba n’ababbako kaadi zaabwe nazikozesa okugya ssente ku akawunti zaabwe.
Onyango agamba nti Ampurira yakwatiddwa akawungeezi k’olunnaku olw’eggulo ku Lwokuna e Bulenga ku luguudo oluva e Kampala okudda e Mityana era yasangiddwa ne ‘ATM Card’ 25 eziteeberezebwa okuba enzibe.
Eddoboozi lya Onyango
