Poliisi y’e Kabale ekutte abantu basatu (3) ku by’okumenya e Kkanisa ne batwala ebintu ebiri mu bukadde 10.
Ekkanisa eyamenyeddwa eya Buhara Catholic church, esangibwa ku kyalo Buhara mu disitulikiti y’e Kabale era ababbi baatutte ebintu omuli emizindalo 3, Ampulifaaya emu (1), obuuma obukwata amaloboozi 2 ssaako n’essente enkalu.
Okusinzira ku mwogezi wa Poliisi mu bitundu bye Kigezi Elly Maate, Poliisi ekutte Joel Ahimbisibwe myaka 20 nga mutuuze ku kyalo Rwambogo mu ggombolola y’e Buhara, Methodius Ngabirano myaka 25 nga dereeva ate mutuuze ku kyalo Buraga cell mu ggombolola y’e Kamuganguzi ne Gideon Niwaha myaka 20 ng’avuga bbodabooda ate mutuuze ku kyalo Kamabale mu ggombolola y’e Buhara, babayambeko mu kunoonyereza.
Maate agamba nti waliwo omuntu agaanye okwatuukiriza amannya ge, eyalaba ababbi nga batikka ebintu ku bbodabooda era y’emu ku nsonga lwaki bakwattiddwa.
