DJ Nimrod ne banne basabuukuludde ekipya, okuzina kwa bwereere mu nnyumba okwegobako situleesi

Mu Uganda, ebintu bingi nnyo ebisobodde okuyambako okutumbula ekisaawe ky’okuyimba omuli Laadiyo, Ttivvi, ba DJ, U-tube n’engeri endala era kisobodde okuyamba okutumbula talenti za bannayuganda.

Mu mbeera eyo, ba DJ okuva mu bitundu by’eggwanga Uganda eby’enjawulo bategese omukolo ogw’enjawulo okujjaguza omulimu gwe bakola okukuba abantu omuziki.

Omukolo oba ekivvulu kituumiddwa, ” The Deejays House Party” nga kyakubeera mu nnyumba e Munyonyo ku BFR AutoSpa nga 3, February, 2020 ate okuyingira kwa bwereere.

Ba DJ bangi nnyo abageenda okukuba abadigize omuziki nga bakulembeddwamu dj Nimrod, Roja, Rark, Ralik, Rickystar, Aludah, Sharq, Phil, Bobbie, Noplay, Ripper Nellysting, dj Travus, Dvj Mercy pro, Look Young n’abalala, abayimbi omuli Karole Kasita, Lydia Jasmine, Ykee Benda, Fik Famiaca n’abalala ssaako ne ba MC okuli Esco, Isaac, Mc Bik n’abalala.

DJ Nimrod agamba nti ku mulundi gunno, buli muyimbi, DJ buli omu yesuunga kukola kyanjawulo n’okukubaganya ebirowoozo ku nsonga ez’enjawulo naye nga zonna zikwata ku muziki.

SK OMUZINNYI