Bya Nalule Aminah
Kyaddaki ekitongole ekivunaanyizibwa ku bigezo mu ggwanga ekya UNEB kifulumizza ebyava mu bigezo bya Siniya ey’okuna (S4), eby’abayizi abatuula omwaka oguwedde ogwa 2019 nga biraga nti abayizi bakoze bulungi okusinga ku myaka emikadde.
Okusinzira ku UNEB, abayizi 337,720 bewandiisa okutuula ebigezo kyokka abayizi 333,060 bebatuula.
Ebigezo by’abayizi 1,262 bikwatiddwa nga kigambibwa beenyingira mu kukopa.
Ebigezo, biraga nti abayizi 27,842 bafunye 1st Grade, 58, 575 2nd Grade, 77,289 3th Grade, 143,218 4th Grade ate abayizi 26,136 bagudde n’enkoona n’enywa.
Ku bayizi abatuulira ebigezo mu kkomera e Luzira, baali 48 tewali yafunye 1st Grade kyokka 9 bafunye 2nd Grade, 14 3rd Grade, 23 4th Grade ate 2 bagudde.
Ku mulundi gunno, abayizi 410 bebatuula ebigezo nga baliko obulemu era omuyizi Ndyamuhaki Godwin okuva ku St Henry’s College Kitovu e Masaka yasiinze abaliko obulemu ng’afunye 13 okuva mu masomo (subjects) 8.
Nga buligyo, abayizi abawala bakozi bulungi olungereza kyokko bbo abalenzi beerisiza nkuuli mu ‘subjects’ endala.
Mu kwogera kwe, Minisita w’ebyenjigiriza n’emizannyo era kabiite w”omukulembeze w’eggwanga lino Janet Kataaha Museveni, asiimye abazadde ku ky’okwongera amaanyi mu kusomesa abaana abawala mu ggwanga lyonna.
Minisita Kataaha asuubiza nti Gavumenti yakwongera okulwanyisa ebyo, ebiremesa abaana abawala okufundikira emisomo.
