Omuyimbi Lydia Jazmine alaze nti naye ali mu laavu wadde yekweka.
Jazmine agamba nti alina emyaka 29 kyokka okuva mu 2018, ebigambo ebibadde byogerwa ku mikutu gya ‘internet’ nti ali mu laavu ne Eddy Kenzo eyali bba w’omuyimbi Rema Namakula.
Wadde ebigambo byogerwa, tewali kabonero kona kalaga nti yali abaddeko mu mukwano ne Kenzo era ye agamba nti Kenzo mukwano gwe nnyo ng’omuyimbi.
Jazmine mu ngeri y’okulaga nti ali mu laavu, asobodde okweyambisa omukutu ogwa Instagram okuwaana omuntu ali ku mutima gwe era agambye nti, “I Love You EVERYDAY But I Wanna Say I Love You Again Today In A Special Way On A Special Day”.
Ebigambo bya Jazmine biraga nti alina omuntu ali ku mutima gwe kyokka yekweka mu bawagizi be okuyisaawo obubaka bwe eri omuntu gw’ayagala.
