Mu ggwanga erya China, ssenyiga amanyikiddwa nga ‘Coronavirus’ ayongedde okutta abantu, nga mu kiseera kino, yakatta abantu 1,775 mu nsi yonna ate abantu 71,000 bebalwadde.
Okusinzira ku Minisitule y’ebyobulamu mu ggwanga erya China, olunnaku olw’eggulo ku Ssande, abantu 105 beebafudde.
Mungeri y’emu Minisitule agamba nti abantu abasukka mu 1,000 bafunye obujanjabi era essaawa yonna bageenda kubasiibula okuva mu ddwaaliro.
Enkya ya leero, amawanga okuli Thailand, Japan ne South Korea galangiridde nti Coronavirus ayongedde okukwata abantu abalala.
Mu nsi endala, etali China, Coronavirus yaakatta abantu 780.
Ate mu nsi endala ‘Coronavirus’ gyayongedde okutigomya abantu mwe muli
Australia (15)
Canada (7)
Egypt (1)
France (12, 1 yafudde)
Germany (16)
Hong Kong (57, 1 yafudde)
India (3)
Italy (3)
Japan (414)
Malaysia (22)
Philippines (3, 1 yafudde)
Russia (2)
Singapore (75)
South Korea (30)
Spain (2)
Taiwan (20, 1 yafudde)
Thailand (35)
United Arab Emirates (9)
Bungereza (9)
America (15)
Vietnam (16)
