Poliisi mu ggwanga erya Burundi ekutte abantu 64 okuva ku ludda oluvuganya Gavumenti ku by’okwenyira mu ffujjo.
Abakwattiddwa bannakibiina kya National Freedom Council (CNL) nga kigambibwa basukkiridde okunga abantu okwenyigira mu kukola effujjo.
Burundi, bali mu Kampeyini mu kiseera kino eky’okulonda omukulembeze w’eggwanga n’abakiise ba Palamenti nga 20, omwezi guno Ogwokutaano.
Okusinzira ku mwogezi wa Poliisi Pierre Nkurikiye, emisango Poliisi gyefuna mu kiseera kino, givudde ffujjo erikolebwa, ekintu ekimenya amateeka nga kivuddeko n’abantu 2 okufa.
Wabula omwogezi w’oludda oluvuganya Terence Manirambona, agambye nti Poliisi esukkiridde okukwata abantu baabwe nga kigendereddwamu okubanafuya wabula kyongedde kuboongera maanyi.
Abantu 7 bebegwanyiza obukulembeze bw’eggwanga eryo, okudda mu bigere bya Pierre Nkurunziza abadde mu buyinza emyaka 15.
