Ssentebbe w’ekibiina ki NRM era omukulembeze w’eggwanga Yoweri Kaguta Museveni alabudde abantu bonna abeesenza mu ntobazzi okuzaamuka ssaako n’abo abali ku mbalama z’ennyanja Nnalubale emanyikiddwa nga Lake Victoria.
Museveni bw’abadde ayimiriddeko e Kitubulu mu Tawuni Kanso y’e Katabi ku luguudo lwe Entebbe mu disitulikiti y’e Wakiso ku nnyanja, agambye nti amazzi mu Lake Victoria geyongedde obungi mu kiseera kino era abantu balina okugyabulira.
Agamba nti mu kiseera kino, amazzi gali mu mita 13.4 era gasemberedde okumenyawo ebyafaayo bya 1964 mu Gwokutaano, amazzi bwe gaali mu mita 13.41.
Amazzi okweyongera, Museveni kwasinzidde okulabula abantu bonna abalumba ennyanja okusenguka ng’amazzi tegannaba kubasindikiriza.
Mu kiseera kino, bangi ku bantu abaali okumpi ne Lake Victoria bakaaba olw’amazzi, okubasindikiriza era bangi basenguse
