Poliisi ekoze ekikwekweeto mu disitulikiti y’e Mukono mwekwatidde abasuubuzi abasukka mu 100 abasangiddwa nga baggudde amaduuka gaabwe ate nga tebakirizibwa.
Ekikwekweeto kikulembeddwamu amyuka adduumira Poliisi mu Kampala n’emirirwano Denis Namuwoza mu bitundu okuli Industrial zone, Kikooza, Nasuuti, Butebe, Nabuti n’ebitundu ebirala, akawungeezi ka leero.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, mu kikwekweeto abantu 105 bakwattiddwa era bali ku misango gya kugyemera biragiro by’omukulembeze w’eggwanga.
Abasuubuzi basangiddwa nga baggudde amaduuka agatakirizibwa omuli n’abatunda engoye ng’abamu basangiddwa nga bali ku mirimu ate nga tebayambadde Masiki.
Eddoboozi lya Luke
