Kyaddaki Tanasha Donna Oketch alaze nti yejjusa okwekyangira ku muyimbi Diamond Platnumz oluvanyuma lw’okumuzaalamu omwana.
Tanasha yasuulawo Platnumz ku ntandikwa y’omwaka guno ogwa 2020 kubigambibwa nti yali asukkiridde obwenzi n’obutamuwa kitiibwa.
Mu kiseera kino Tanasha talina musajja amanyikiddwa oluvanyuma lw’okwekyangira ku Platnumz era yaddayo dda mu ggwanga lye era Kenya okutambuza emirimu gye.
Ng’omukyala omulala yenna, alaze nti asubwa nnyo obulamu bwa Platnumz era asobodde okweyambisa olunnaku lwa bamaama okulaga ekiri ku mutima gwe kuba naye maama mu kiseera kino.
Tanasha agamba nti musanyufu nnyo kuba naye kati maama era asabye Katonda okumukwasizaako okukuza obulungi omwana we ng’alina empisa, mukakamu, eddiini. Mungeri y’emu asiimye Platnumz okumuzaalamu omwana kuba y’emu ku nsonga lwaki maama mu kiseera kino, “My lil big brown eyes growing so fast. Te amo siempre mi amor. I am super proud to be your mother, you make me a better person by the day. I pray to God that you grow up to be positive, humble, successful, kind & most importantly God Fearing. I thank your father for blessing me with you as well… My baby NJ I will always love you & do everything in my power to protect you“.
