Omutemu atamanyiddwa asse omutuuze mu katawuni k’e Magamaga mu disitulikiti y’e Mayuge, ekirese abatuuze nga bali mu ntiisa.
Omutuuze Henry Basoga abadde mu ddiiro ng’alaba ttiivi ku ssaawa nga 2 n’ekitundu ez’ekiro, omutemu kwekuyingira mu nnyumba era amukubiddewo amasasi agamutiddewo n’adduka.
Omu ku baneyiba agaanye okwatuukiriza erinnya lye, agambye nti abatemu batuuse ku nnyumba nga bali ku bigere era wayiseewo eddakika ntono, kwekuwulira amasasi agasse Basoga.
Ate Abdullah Mukabire omu ku batuuze agambye nti baludde nga bemulugunya ku nsonga y’ebyokwerinda ebizzeemu okuyuuga kyokka tewali nkyukakyuka yonna.
Omulambo gutwaliddwa mu ddwaaliro Iganga okwekebejjebwa era omwogezi wa Poliisi mu bitundu bye Busoga East James Mubi agambye nti Poliisi n’amaggye gatandise okunoonyereza ku ttemu eryo.
