Poliisi mu Kampala ekutte ssemaka Ronald Kafeero, omutuuze we Nabweru mu Monicipaali y’e Nansana ku misango gy’okusadaaka abantu.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, Kafeero okukwattibwa akawungeezi k’olunnaku olw’eggulo ku Lwomukaaga kyaddiridde ssentebbe w’ekyalo Musa Kanakurya okutemya ku poliisi nti mu nju ya Kafeera mulimu sanduuko eteeberezebwa okubaamu omufu.
Akulira Poliisi y’e Nabweru Bernard Abasa agamba nti mu kwaza enju ya Kafeera, mwasangiddwamu sanduuko n’ennyama envundu mu kaveera ka bulaaka.
Owoyesigyire agamba nti sanduuko n’ennyama byatwaliddwa mu ddwaaliro e Mulago okwekebejjebwa.
Kafeero yakwattiddwa ne bakyala be 2.
Kigambibwa Kafeera yatiisa okutta omu ku bakyala be singa bategeezako Poliisi.
Nannyini enju Kafeera kwasula ali mu kkomera e Luzira ku misango gy’okusobya ku baana abato.
Abatuuze bagamba nti Kafeero musezi era bagamba abadde alina ennyama y’omuntu mu nju.
