BIZUUSE! Ashburg akooye obukodo bw’omuntu wamwe, agudde mu bintu bya bukadde bwa ssente ewa Pulezidenti M7, ‘People Power’ agisudde mu kasero

Kyaddaki Ashburg Katto alangiridde nti okuva olunnaku olwaleero, muwagizi wa kibiina kya NRM ne Pulezidenti Yoweri Kaguta Museveni.

Ashburg abadde muwagizi wa ‘People Power’, ekisinde ekikulemberwa omubaka we Kyadondo East Robert Kyaglanyi (Bobi Wine) kyokka mu kiseera kino agamba nti ye muwagizi wa NRM era ye Ashburg Katto omuyaaye wa Museveni.

Mu kwogerako eri bannamawulire, Ashburg agambye nti Pulezidenti Museveni yakiriza okuwagira pulogulamu ze omuli okuyamba abavubuka mu Ghetto ng’ayita mu ‘THE GHETTO INITIATIVE” era y’emu ku nsonga lwaki asuddewo People Power.

Mungeri y’emu agambye nti Pulezidenti Museveni yamwetondedde kuba abadde amuvumidde ebbanga ddene awatali nsonga yonna.

Ashburg alaze nti tasobola kudda mu People Power oluvanyuma lwa Pulezidenti Museveni okumuwa ebintu ebyenjawulo okukyusa embeera y’obulamu omuli Ente 5 ne mikwano gye Ente 2 era 2021 balina okumunoonyeza akalulu.

Ebigambo bya Ashburg biraga nti abadde mukama we Bobi Wine abadde mukodo nnyo ku nsonga ye ssente ate nga alina Pulogulamu ez’enjawulo era y’emu ku nsonga lwaki Balaam Baruhagare omutegesi w’ebivvulu abadde alina okumuyamba okumutwala eri Pulezidenti Museveni okusobola okutuukiriza ebirooto bye.

Vidiyo

SK OMUZINNYI