Abantu 4 bazuuliddwa nga balina Covid-19 kw’abo abakebeddwa olunnaku olw’eggulo nga 19 omwezi guno Ogwokutaano 2,228.
Okusinzira ku Minisitule y’ebyobulamu, Uganda ewezeza omuwendo gw’abalwadde 264.
Abalwadde kuliko omusajja myaka 28 nga mutuuze mu Disitulikiti y’e Buikwe era y’omu kw’abo abafunye obulwadde okuva ku ba ddereeva.
Omulwadde omulala myaka 26 nga mutuuze we Kyambogo, nga naye obulwadde yabuggye ku ba ddereeva era mu kiseera kino ali mu ddwaaliro erya China-Uganda Friendship Hospital e Naguru okuva mu kalantini gy’abadde.
Omulwadde owokusatu n’owokuna bonna ba ddereeva bannayuganda nga baavudde mu ggwanga erya Tanzania ku nsalo y’e Mutukula era mu kiseera kino batwaliddwa mu ddwaaliro ekkulu e Masaka.
Ate ba ddereeva 36 okuli bannansi ba Tanzania 17, Kenya 15, Eritrea 3, Burundi 1, abazuuliddwa nga balwadde ba Covid-19 bonna balwagiddwa okuddayo mu nsi zaabwe.
Okusinzira kw’akulira eby’obujjanjabi mu minisitule y’ebyobulamu, Dr. Henry Mwebesa mu kiseera kino Uganda erina abalwadde 80 abali malwaliro ate bonna bali mu mbeera nungi.
