Poliisi y’e Kabalagala atandiise okunoonyereza ku kivuddeko akabenje akaviriddeko Prof. Venansius Baryamureeba okutta omuntu.
Prof. Baryamureeba, yaliko amyuka Chansala ku Yunivasite e Makerere ate mu 2016 y’omu ku abaali begwanyiza obukulembeze bw’eggwanga.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, emmotoka ebadde evugibwa Prof. Baryamureeba ekoze akabenje ku nkulungo y’e Kibuli – Muyenga mu Divizoni y’e Makindye era omuntu omu afiiriddewo.
Poliisi egamba nti omukyala afudde ye Mariam Jagenda ate omukyala ow’okubiri alumiziddwa y’e Mariam Namusoke era atwaliddwa mu ddwaaliro ekkulu e Mulago ng’ali mu mbeera mbi.
Prof. Baryamureeba akwattiddwa era atwaliddwa ku Poliisi y’e Kabalagala nga n’emmotoka ye okuli ennamba ya ‘U’ esikiddwa nga nayo etwaliddwa ku Poliisi y’e Kabalagala okugyekebejja.
Kigambibwa abadde ali ku misinde ekivuddeko akabenje era Poliisi atandiise okunoonyereza.
