Poliisi y’e Masaka etandiise okunoonyereza ku ngeri omusajja gye yettidde ku kitebe kya Poliisi e Masaka.
Hussein Walugembe yakwattiddwa akawungeezi k’olunnaku olwa Mmande ku misango gy’okusangibwa ng’attise omuntu ku bodaboda, ekintu ekimenya amateeka mu kiseera kino eky’okulwanyisa Kolona.
Walugembe akedde ku Poliisi okusaba okumuddiza Pikipiki ye wabula kigambibwa asabiddwa ssente emitwalo 10 ng’ali mu offiisi evunaanyizibwa ku byentambula nga tazirina, kwekusalawo okwetta.
Okusinzira ku mwogezi wa Poliisi mu bitundu bye Masaka Muhamad Nsubuga, Walugembe ng’asinzira ku Poliisi yeekumyeko omuliro mu offiisi mmundu okutuusa lw’afudde era kiteeberezebwa nti asobodde okweyambisa petuloori okwetta.
