Poliisi e Kabale ekutte abawala 7 abalemeddeko okutunda akaboozi ku baddereeva abatambuza ebyamaguzi, ekiyinza okutambuza Covid-19.
Abakwattiddwa basangiddwa mu loogi emanyikiddwa nga ‘Safe lodge’ ku ssaawa nga 5 ez’ekiro, ekikeseza olwaleero ku kyalo Bombokya okumpi n’ekibuga kye Kabale.
Okusinzira ku mwogezi wa Poliisi mu bitundu bye Kigezi Elly Maate, abakwate kuliko Susan Ainembabazi myaka 20, Bridget Natukunda 18, Gladys Ayamba 17, Ruth Tugumisirize 20.
Abalala kuliko Jamira Uwase 24, Brenda Akanyijuka 22, Happiness Nkabire 24 era bonna abasangiddwa mu loogi, tewali asukka myaka 25.
Bamalaaya mu kwewozaako bagambye nti baguminkirizza Gavumenti okubakkiriza okuddamu okutambuza emirimu nga betaaga ensimbi okufuna eky’okulya, okupangisa amayumba nga n’abasajja abetegese okubagula okusinda omukwano beyongedde obungi.
Bagamba nti okulenga akaboozi, gye mirimu gye bategeera obulungi okunoonya ensimbi ez’amaangu.
Wabula Poliisi egamba nti bonna, bakutwalibwa mu kkooti ku misango gy’okugyemera omukulembeze w’eggwanga ne baddamu okulenga Omukwano.
