Poliisi e Kabale etandiise okunoonyereza ku ngeri omusajja myaka 23 gye yettidde mu nju ya jjajaawe.
Ahabwe Amoni abadde mutuuze ku kyalo Rushaki mu Monicipaali y’e Kabale mu disitulikiti y’e Kabale era omulambo gwe, gusangiddwa nga gulengejja mu nju ya jjajaawe.
Okwetta asobodde okweyambisa waaya, ekirese abatuuze nga bali mu ntiisa n’ekiyongobero.
Abamu ku batuuze bagamba nti Amoni, abadde asukkiridde okunywa enjaga era kiteeberezebwa y’emu ku nsonga lwaki yasse oluvanyuma lw’okusaawa olusuku lw’ebitooke olwa neyiba.
Wabula omwogezi wa Poliisi mu kitundu ekyo, Elly Maate agambye nti Poliisi etandiise okunoonyereza ku kivudde omusajja omuto okwetta newankubadde famire y’omugenzi ekkiriziddwa okuteekateeka okuziika.
