Akulira ekisinde ki People Power era omukulembeze w’ekibiina ky’ebyobufuzi ki N.U.P omubaka wa Kyaddondo East Robert Kyagulanyi Ssentamu (Bobi Wine) olwaleero butongole ayaniriza bannabyabufuzi abalala abeggasse ku kibiina kino ku kitebe ky’ekibiina kino e Kamwokya.
Kubano kuliko ababaka ba Palamenti bataano (5) saako ne bameeya b’eggombolola basatu (3) kwezo etaano (5) ezikola ekibuga Kampala wamu ne bameeya b’ebibuga ebirala.
Bameeya kuliko Emmanuel Sserunjogi Oweddembe ow’eggombolola y’e Kawempe, Ronald Balimwezo owa Nakawa, Ali Nganda Kasirye Mulyannyama owa Makindye saako ne Kalema Basammula-ekkere owa Katabi Town Council.
Ate ababaka ba Palamenti kuliko Baptist Nambeshe okuva Manjiya County, Patrick Nsamba Oshabe, Kasanda North, Latif Ssebagala Sengendo, Kawempe North, David Lukyamuzi Kalwanga Busujju ne Francis Zaake okuva e Mityana Monicipality.
Mu kulonda kwa 2016, John Baptist Nambeshe ne Patrick Nsamba Oshabe baali ku kaadi ya NRM ate David Lukyamuzi Kalwanga, Latif Ssebagala Sengendo ne Francis Zaake ku Yindipendenti.
Eddoboozi lya Bobi Wine
