Poliisi ekutte omukyala ku misango ky’okutta muggya we ku kyalo Igulubi mu ggoombolola y’e Wairasa mu disitulikiti y’e Mayuge.
Christine Ajambo myaka 26 yakwattiddwa ku by’okutta Florence Nangobi myaka 26 abatuuze omutuuze we Iganga olwa bba Emmanuel Kulaba okumuzira, mu nsonga z’omu Kisenge.
Ajambo alumbye Nangobi mu kiro, ekikeeseza olwaleero namutunga ekyambe ku nsingo era yafuuye omusaayi okutuusa lwe yafudde.
Okusinzira ku batuuze, omusajja olwafuna omukyala omulala Nangobi kati omugenzi, Ajambo ne bawukana ne bba, kyokka olw’ebbuba, yakomyewo awaka omusajja bwe yabadde aleese Nangobi ne balwanagana okutuusa lwe yamusse.
Omusajja agamba nti Ajambo yali asukkiridde ebubba n’okuyomba, ekyamuwalirizza okunoonya omukyala omulala.
Wabula omwogezi wa Poliisi mu bitundu bye Busoga East, James Mubi agambye nti omukyala akwattiddwa, atwaliddwa ku kitebe kya Poliisi e Mayuge ku misango gy’okutta omuntu.
Ate omulambo gutwaliddwa mu ggwanika ly’eddwaaliro ekkulu e Mayuge okwekebejjebwa.
Eddoboozi lya Mubi
