Poliisi y’e Kyengera ekutte omusajja ku misango gy’okutta omulaalo.
Mugabi Frank yakwattiddwa ku by’okutta omulaalo Elia Vian Manizabayo myaka 25.
Manizabayo kati omugenzi, abadde mulaalo ewa Mary Wosula omutuuze ku kyalo kye Mugongo A mu Tawuni Kanso y’e Kyengera.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, Mugabi akutte enkumbi enkya ya leero, nagikuba Manizabayo ku mutwe ku ssaako n’amagulu era agudde wansi nafiirawo.
Amangu ddala Poliisi eyitiddwa era Mugabi akwattiddwa Poliisi ye Kyengera ku misango gy’okutta omuntu.
Poliisi, etandikiddewo okunoonyereza ekisindikiriza Mugabi okutta omuntu era omulambo gutwaliddwa mu ggwanika ly’eddwaaliro ekkulu e Mulago okwongera okwekebejjebwa.

Eddoboozi lya Luke

SK OMUZINNYI