Entiisa ebuutikidde abatuuze ku kyalo Zzooni 5 e Nakulabye, omusajja Kyomuhendo Kassim myaka 28 bw’asse muganda Aminah Namara 20 nga busasaana enkya ya leero.
Kigambibwa Kyomuhendo afunye obutakaanya ne muganda we Namara, era wakati mu kuwanyisiganya ebigambo, amutunze ekintu ekigambibwa nti kabadde kambe.
Namara agudde wansi okutuusa lw’afudde era omulambo gusangiddwa mu kitaba kya musaayi.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, Poliisi y’e Nakulabye ekutte kali butemu Kyomuhendo ssaako ne mukyala we Harriet Komuntale.
Omulambo gutwaliddwa mu ggwanika ly’eddwaaliro ekkulu e Mulago ate omusajja Ssemaka Kyomuhendo aguddwako emisango gy’okutta omuntu.
