Kkooti enkulu mu Kampala eyongezaayo okuwuliriza emisango gyanagomola egisukka 40 egibadde gitandiika enkya ya leero.
Omulamuzi Stephen Mubiru abadde ali mu ntekateeka okuwuliriza emisango egyo mu nnaku 45 wabula emisango gyongezeddwayo okutuusa nga 27, omwezi guno.
Okusinzira ku mwogezi w’ekitongole ekiramuzi Jameson Karemani, kkooti yabadde esuubira okufuna ensimbi okutekateeka okuwuliriza emisango egyo, ekitaasobose nga balina okwongezaayo newankubadde agaanye okwatuukiriza omuwendo gwa ssente ogwetaagisa.
Egimu ku misango egibadde girindiriddwa okutandiika enkya ya leero, omusango gw’obutemu Mathew Kanyamunyu gw’aliko ne kabiite we Cynthia Munangwari ne muganda we Joseph Kanyamunyu ogw’okutta eyali omulwanirizi w’eddembe ly’abaana Kenneth Akena.
Akena yattibwa nga 12, November, 2016 ku Shoprite e Lugogo nga yakubwa amasasi era kigambibwa Kanyamunyu yamukuba olw’okukolobola emmotoka ye.
