Poliisi ya Kampala mukadde esse omusajja abadde anoonyezebwa ku misango gy’okusobya ku mukyala.
Omukyala ng’amannya gasirikiddwa, mutuuze we Lugala, e Kasubi mu Kampala yasobezeddwako olunnaku olw’eggulo ku Lwokusatu, kwe kuddukira ku Poliisi okuyambibwa.
Poliisi yasobodde okweyambisa Kamera eziri mu kitundu, okuzuula omusajja Ali Mbayo nga naye abadde mutuuze we Lugala era abadde mukuumi ku Galagi y’emmotoka ku nkulungo y’e Kosovo.
Okusinzira ku mwogezi wa Poliisi mu Kampala n’emirirwano Patrick Onyango, Mbayo attiddwa bw’abadde alemesa Poliisi okumukwata ssaako n’okwagala okuggyako omusirikale waabwe emmundu.
Omulambo gutwaliddwa mu ggwanika ly’eddwaaliro ekkulu e Mulago ng’omusirikale akubye amasasi akwattiddwa, atwaliddwa ku Poliisi ya Kampala mukadde okuyambako mu kunoonyereza.
Kigambibwa omukyala olw’okutya okuttibwa Mbayo, yakkirizza okunyumirwa akaboozi kuba singa yagezezaako okulwana, omusajja yabadde ayinza okumutta.
Eddoboozi lya Onyango
