Kyaddaki Pasita Yiga Augustine Abizaayo owa kkanisa ya Revival Christian Church e Kawaala afudde mu kiro ekikesezza olwaleero ku Lwokubiri.
Okuva sabiti ewedde Pasita Yiga abadde mu mbeera mbi mu ddwaaliro e Nsambya ng’ali mu kisenge omulabirirwa abayi ekya Intensive Care Unit (ICU) era ku lunnaku Lwokutaano nga 23, October, 2020 amawulire gaali gatambula nti afudde.
Wabula mu kiro kya leero, manigimenti ya ABS ekakasizza nti Pasita Yiga afudde.
Sabiti ewdde mutabani w’omugenzi Omusumba Andrew Jjengo yavaayo n’agamba nti kitaawe okusiiba ng’ate mulwadde wa Alusa, y’emu ku nsonga lwaki obulwadde bweyongera.
Jjengo agamba nti kitaawe abadde alina amabwa mu lubuto nga tasobola kulya oluvanyuma lw’okusiiba Alusa ne zeyongera kyokka abasawo babadde bakola kyokka ekisoboka okutaasa obulamu.
Wabula kigambibwa nti Pasita Yiga abadde alina endwadde ez’enjawulo omuli ensigo, ekibumba ne puleesa.
Omukyala Stella omu ku baludde nga basabira mu kkanisa y’omugenzi e Kawaala agamba nti wadde aba famire batya okutegeeza eggwanga naye Pasita Yiga abadde mulwadde wa siriimu.
