Poliisi ya Kampala Mukadde ekutte abantu basatu (3) abaludde nga benyigira mu kubba abatuuze b’omu Kisenyi-Mengo mu Kampala.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, abakwate kuliko Katerega Muhammad, Ogutu Bernard ne Ngubiri Charles nga balina ebibinja bya babbi okuli Kifesi ne Bigali.
Poliisi egamba yasobodde okweyambisa kkamera eziri ku nguudo, okubazuula n’okubakwata.
Owoyesigyire agamba nti abakwate baludde nga batambula ku luguudo lw’omu Kisenyi, Blue Nakivubo okubba amassimu, ssente, ensawo z’abakyala n’ebintu ebirala okuva ku basuubuzi.
