Cindy tanyigirwa mu ttooke, awadde Sheebah erinnya ekambwe
Omuyimbi Cinderella Sanyu amanyikiddwa nga Cindy, ayongedde okulaga nti ddala naye tanyigirwa mu ttooke.
Mu kivvulu ekyabadde mu kisaawe e Kololo ku Lwokutaano, Cindy yabadde avuganya ne Sheebah Kalungi mu kukuba omuziki.
Sheebah ne Cindy baludde nga bavuganya mu kisaawe ky’okuyimba, nga buli omu agamba yasiinga mu byonna okuyimba n’okukuba ennyimba ezinyumira abantu.
N’okutuusa kati, buli muyimba agamba yawangula ‘battle’.
Abawagizi ba Sheebah, bagamba nti yakoze bulungi nnyo era tewali kubusabuusa kwonna yawangudde ‘battle’.
Ate abawagizi ba Cindy bagamba nti mu Uganda, tewali mukyala yenna ayinza kusinga Cindy kuyimba ‘Live’ ku siteegi.
Bagamba nti Cindy alina kuvuganya n’abasajja omuli Bebe Cool, Dr. Jose Chameleone, Bobi Wine n’abalala.
Wabula Cindy yasobodde okweyambisa omukisa gwe ng’ali ku siteegi, okuwa Sheebah erinnya mu kisaawe ky’okuyimba.
Yagambye nti ‘There is a big difference between Talent and Hustle’ era yabadde agezaako okulaga ensi nti ye alina talenti ate Sheebah mukyala wa Hustle era ‘Hustler’ (omukakaalukanyi).
Sheebah bwe yalinnye ku siteegi, yagambye nti kituufu ye Hustler kasita ekirungi yava mu kupangisa, alina amakaage ate asobodde okufuna ssente okuva mu talenti ye.
Ebirala ebifa mu nsi – https://www.youtube.com/watch?v=XrL2kp4Ng6o
