Gavumenti efulumizza entekateeka yonna ey’okuteeka ‘Number Plate’ za Digito ku bidduka by’abantu bonna mu ggwanga.
Gavumenti, yalonda Kkampuni ya ‘Joint-stock Company Global Security’ okuva mu ggwanga erya Russia, okutambuza omulimu gwonna.
Entekateeka eno, Gavumenti egenda kugyeyambisa ennyo, okunoonya abantu bonna abaludde nga beyambisa ebiduuka omuli Pikipiki, okwenyigira mu kuzza ebikolobero omuli okutta abantu ne badduka.
Okusinzira ku Minisita w’ebyokwerinda Major General Jim Muhwezi, bannayuganda okwemulugunya omuli n’abasuubuzi ba KACITA, y’emu ku nsonga lwaki bakaanya entekateeka zaabwe.
Min Muhwezi agamba nti okulaga nti entekateeka nnungi, okuva 1st, November, 2023 basobodde okuteeka Digito Number Plate ku mmotoka za Gavumenti omuli
–Offiisi ya Pulezidenti – 3,755
–Minisita y’ebyentambula 127
–Uganda Police Force 146
–Minisitule y’ebyenjigiriza 102
–Minisitule y’ebyobulamu 281
–Minisitule y’ebyensimbi 115
–Minisitule y’ebyobulambuzi – 26
–Minisitule y’ensonga z’omunda mu ggwanga 100
–Palamenti 16
–Ekitongole ky’amakkomera 104
Minisita Muhwezi alangiridde nti okuva nga
1st November, 2024 – Okutandiika ne Bodaboda empya n’enkadde mu ggwanga lyonna.
25, January, 2025 – Emmotoka zonna ez’obwannanyini, okutandiika okusibwako ‘Number Plate’ empya.
Omulimu gw’okulondoola ebidduka, bagenda kweyambisa ekitebe kya Poliisi e Naguru ssaako ne Poliisi y’ebidduka ku kitebe e Nateete.
Minisita Muhwezi agamba nti basuubira entekateeka eno okufundikirwa mu myaka 2.
Mungeri y’emu agumizza bannayuganda abalina okutya nti emmotoka zaabwe zigenda kulondoolebwa.
Minisita Muhwezi agamba nti bagenda kulondoola abantu bonna, abateeberezebwa okuba abamenyi b’amateeka.
Okufuna Digito Number Plate
Empya ku Pikipiki n’emmotoka – 714,500
Abakyusa Number Plates ku mmotoka nga balina enkadde – 150,000
Pikipiki nga balina enkadde – 50,000
Ebirala ebifa mu ggwanga – https://www.youtube.com/watch?v=eMtbF8tQkLk