Poliisi e Mukono, etandiise okunoonya abatemu, abenyigidde mu kutta Wayengera Godfrey, myaka 45.
Omugenzi abadde Direkita ku ssomero lya Beloved Daycare and Nusary School ku kyalo Nsuube.
Bw’abadde ava e Mbale okuziika nga basemberedde okutuuka awaka, awambiddwa abasajja abazze nga bayambadde engoye ezefaananyiriza ez’amaggye ng’ali ne mukyala we Najabi Christine.
Abatemu, basuubiza okubatwala ku Poliisi e Mukono ku misango gy’emmundu wabula ate ne bakwata ekkubo lya Kyungu, omusajja Wayengera gye bamutidde, ate omukyala atwaliddwa ku kyalo Jinja Minsidye e Goma gye bamusudde.
Mu kiseera kino abatemu baliira ku nsiko, omukyala atwaliddwa mu ddwaaliro okufuna obujanjabi ate omulambo gw’omusajja gusindikiddwa mu ddwaaliro e Mulago okwekebejjebwa.
Mungeri y’emu, Poliisi esobodde okuzuula emmotoka ekika kya Fielder namba UBP 520A, okumpi n’ekifo omukyala wasuuliddwa.
Patrick Onyango, omwogezi wa Poliisi mu Kampala n’emirirwano, alambuludde ku ttemu lyonna – https://www.youtube.com/watch?v=F8LPleFqdJg&t=2s
