Mukulu wa Bobi Wine, Nyanzi alemeddeko, naye ayagala ntebe okukulembera ekibuga Kampala mu Palamenti.
Munnakibiina kya National Unity Platform (NUP) Fred Nyanzi Ssentamu addukidde mu kkooti enkulu mu Kampala okuwakanya obuwanguzi bwa Muhammad Nsereko eyawangula eky’omubaka wa Kampala Central.
Mu kkooti, Nyanzi ng’ayita mu bannamateeka be aba Semuyaba, Iga and Company Advocates, atutteyo akakiiko k’ebyokulonda, akulira eby’okulonda mu Kampala ssaako ne Nsereko era agambye nti okulonda tekwali kw’amazina na bwenkanya.
Okusinzira ku byalangirirwa akakiiko k’ebyokulonda, Nsereko yawangula okulonda nga Nyanzi, yamalira mu kyakubiri ku bantu 5 abaali begwanyiza eky’omubaka wa Kampala Central.
Wabula Nyanzi agamba nti okulonda kwalimu vulugu asukkiridde omuli okukyusa ebivudde mu kulonda, okuleka ebbali ebivudde mu kulonda mu bitundu ebimu n’okulemesa abantu be, okwekeneenya ebiganda mu maaso mu kulonda.
Agamba nti okulonda mu Kampala, abalondesa balemwa okuteeka mu nkola ebigobererwa mu kulonda abakulembeze nga y’emu ku nsonga lwaki addukidde mu kkooti, okuwakanya obuwanguzi bwa Nsereko.
Agamba Nsereko yamusinga obululu 1,023, ekintu kyawakanya era agamba nti obuwanguzi bwa Nsereko bulina okusazibwamu, kkooti okumulemesa okulayira.
Nyanzi agamba nti ye mutuufu eyawangula era asabye kkooti okumulangirira ku buwanguzi.
Mungeri y’emu asabye bw’aba talangiriddwa, okuddamu okubala obululu, oba okuddamu okulonda kyokka akulira eby’okulonda mu Kampala aba alina okukyusibwa.
Mu Janwali, oluvanyuma lw’okulonda, Nyanzi yaddukira mu kkooti y’e Mengo okuwakanya obuwanguzi bwa Nsereko.
Mu kkooti, omulamuzi Esther Nansambu yagoba okusaba kwa Nyanzi, nti alina kuddukira mu kkooti enkulu.
Wabula omuwandiisi wa kkooti enkulu Jameson Karemani yasigadde okutegeeza Nsereko okuteekayo okwewozaako kwe n’okutekawo olunnaku okuwuliriza omusango ogwo.
Nyanzi mukulu wa Robert Kyagulanyi Ssentamu (Bobi Wine), alumiriza nti Nsereko mu kubba obululu yayambibwako akakiiko k’ebyokulonda okujingirira emikono gya “bajenti” ba Nyanzi, okubatiisatiisa n’okubagoba awalonderwa. Bwe baamala okugobawo “bagenti” ba Nyanzi olwo ne bajjuza obululu bwe baagala okuyisaamu Nsereko era n’alangirirwa.
Mu kalulu k’okulonda ababaka ba Palamenti nga January 14, Nsereko yalangirirwa ng’awangudde n’obululu 16,988 ate Nyanzi yafuna 15,975.
Bannamateeka ba Nyanzi ebifo we bagamba awaali okubba obululu okuli Bakerville e Kololo, Kiyindi Mosque, Old Kampala SS, Mukwano Center, Kitawuluzi Hall (A-Z) Hajj Katende Home, National Thearter, Kiguli Mango Tree, Superior Complex, Summit View, Bus Park Nakivubo, Kibwa Zooni, Balikuddembe Primary School, Kitanmte Courts, KCC Primary Scholl Muh-Z ne Tlc Leisure Center.
Ebirala kuliko: Blue Room Zooni – Chairmans Place, Basajjabalaba Taxi Park (A-K), Basajjabalaba Taxi Park (L-Nam) , Nakasero (A-L) , Hoima Road Flats, All Saints B, York Village – East Kololo Primary School, Mackenzie -East Kololo Primary School, Kiyindi Mosque, All Saits A, Muti Bay Car Washing Bay, Baptist Church, Kakajo 1 Zone ne Seroma Park Yard.
Yayongeddeko Mukwano Center (N-Z), Seventh Day Adventist Church (A- Kh), Kiira Road Police Playground, Dafoliles Academy, NHCC Flats, Seventh Day Church (Nat-Z), Seventh Day Church (Ki-Naki), Kibwa Zone, Balikuddembe Primary School. Awalala Kasaato Zone (A-L) TLC Leisure Center (A-J), Park Yard (A-M), Central Zone, Community (A-L), TCL Leisure Center (A-J), Management Institute, Rutabaga Road LC Meeting, Rutabaga Road Printer , Muyembe Mawanda, Jambula (A-M), Two Way Primary School (A-M), KCC Primary School (A-Hug), Homisdallen Primary School (N-Z), Homisdallen (N-Z) , Kalina, Bat Valley Primary School, Park Yard (N-Z) ne ku Nalunkuuma road poliing station.
Bino byona, mukulu wa Bobi agamba nti byalimu vulugu.
