Omusajja afiiridde mu kusinda omukwano ng’ali ne muk’omusajja mu nsiko, ekirese abatuuze nga bawuninkiridde.
Steven Ouma Atiki, abadde omutuuze ku kyalo Makina mu ggoombolola y’e Masaba mu disitulikiti y’e Busia, kati z’embuyaga ezikunta ng’afudde akoze likodi ku kyalo, okufiira mu kaboozi.
Omulambo gwe, gusangiddwa mu nsiko ku kyalo Diraho mu ggoombolola y’e Masaba okumpi n’omulongooti.
Omukyala muk’omusajja abadde amulambuza ebyalo, abadde mutuuze ku kyalo Bunyadeti mu ggoombolola y’e Buhehe era asangiddwa ng’asobeddwa, abadde afunye omukisa, okufuna ku mukwano gw’okunsiko, ate omusajja okufa nga tamatidde.
Omusajja abadde kafulu mu kusinda omukwano ku nsiko era omulambo gusangiddwa, nga guli mu saati yokka, empale ewanikiddwa ku muti.
Wakati mu kusinda omukwano, basobodde okweyambisa ebikoola by’emiti, okutekateeka ekifo, okwesanyusa nga tewali abalemesa okugyako ensiri n’ebinyonyi okubalaba.
Muganda w’omugenzi Patrick Bwire agamba nti muganda we, abadde asukkiridde okusigula Bakabasajja era abadde kafulu mu nsonga z’omu kisenge.
Wabula abamu ku batuuze nga bakulembeddwamu Fredrick Orengo, bagamba nti, ebiriwo biraga nti Ouma okufa, birimu omukono gw’omusajja, nannyini mukyala.
Abamu ku batuuze bagamba nti Ouma okufa, kiyinza okuba kyavudde ku mutima okwesiba wakati mu kusinda omukwano.
Ye omukyala asigadde asobeddwa kuba kirabika omusajja okufa, ng’ali naye, ng’omuntu omulala yenna atidde nnyo. Wabula addumira Poliisi mu disitulikiti y’e Busia Didas Byaruhanga, agamba nti omulambo gutwaliddwa mu ddwaaliro ekkulu e Masafu okwekebejjebwa, okuzuula ekituufu ekivuddeko okufa kwe.
Mungeri y’emu agambye nti Poliisi y’oku kyalo Masaba, etandiise okunoonyereza nga n’omukyala essaawa yonna agenda kugibwako sitetimenti.
DPC Byaruhanga asabye abatuuze okukomya okutambuza amawulire ag’obulimba kuba Poliisi erina okunoonyereza okuzuula ekituufu.
Mu kiseera kino abatuuze bali mu kutya era bagamba nti Ouma ye musajja asoose okufiira mu kaboozi ku kyalo kyabwe.
Ebirala ebifa mu ggwanga – https://www.youtube.com/watch?v=CjT_NXr6Rfk
