Barbie Itungo mukyala w’omubaka we Kyadondo East Robert Kyagulanyi Ssentamu (Bobi Wine) asabye abantu bonna okumwegattako okusomesa abaana abawala ebikwata mu nsonga z’ekikyala.
Barbie agamba nti mu Uganda, abaana abawala abangi nnyo abetaaga obuyambi bwa paadi okuzeyambisa mu kiseera nga bageenze mu nsonga n’okusomesebwa ku bulamu bwa buligyo.
Olunnaku olw’eggulo ku Lwokubiri, nga 28, May, 2019, Uganda yegase ku nsi yonna okujjukira ebisomoza abaana abawala nga bagenze mu nsonga era Barbie agamba nti mulimu gwaffe nga bannayuganda okusomesa abaana abawala ku nsonga ezo n’okufuna ebikozesebwa.
Akoowodde bannayuganda okumwegattako okumanyisa abaana abawala ku nsonga zonna ezinyigiriza obulamu bwabwe kuba kisoboka n’okwegatta awamu okubawa paadi.
