Poliisi y’e Kagadi etandiise okunoonyereza engeri abasibe bana (4) gye batolose mu kkomera ekkiro ekikeseza olunaku lwa leero.
Abatolose kuliko Allan Mugisha ali ku misango gy’obutemu ku Poliisi y’e Kagadi, fayiro namba CRB 139/19, Stephen Sekabijja ne John Kyeyune bombi bali ku misango gy’obubbi ku Poliisi y’e Isunga fayiro namba CRB60/19 ne Muhwezi Rohere ali ku musango gw’okubba ente ku Poliisi y’e Ruteete namba CRR 54/19.
Okusinzira ku Poliisi, abasibe basobodde okweyambisa emisumaali yiiki mukaaga (6) omusima ekituli mu kkomera era mu kiseera kino abasirikale bonna ababadde bakuuma ekkomera bakwattiddwa, okuyambako Poliisi okunoonyereza.
Kifaananyi kya Chimpreport
