Entiisa egudde mu batuuze ku kyalo Kasasa West mu ggombolola y’e Bukulula mu disitulikiti y’e Kalungu, abatemu abatannaategeerekeka we bayingiridde omukyala Beatrice Kabaana 38 nga yeebasse ne bamusala obulago, omulambo gwe ne baguleka mu buliri.
Okusinzira kw’adduumira Poliisi mu bitundu bye Kalungu Abrahams Tukundane, Kabaana yattiddwa mu bukambwe kyokka tewali kintu kya mu nnyumba kyatwaliddwa.
Tukundane agamba nti, abatemu baamaze kunyoola Kabaana nsingo ne bamutta oluvanyuma ne bamusala obulago era omulambo gwasangiddwa mu buliri wakati mu kitaba ky’omusaayi.
Poliisi egamba nti etandiise okunoonyereza lwaki Kabaana yattiddwa wabula abamu ku batuuze bagamba nti abatemu balembese omusaayi ne bagutwala.
Ekifaananyi kya Bukedde
