Omuyimbi Rema Namakula alaze nti mwetegefu okusasaanya obukadde bwa ssente ku mukolo gwe ogw’okwanjula bba Dr. Hamza Ssebunya mu bazadde be.
Omukolo gusuubirwa okubaayo nga 14, November, 2019 era entekateeka zigenda mu maaso.
Okusinzira ku ssentebe w’olukiiko oluteekateeka okwanjula, Hajji Isa Musoke, basuubira okusasaanya obukadde 200.
Hajji Musoke agamba nti, “ssente obukadde 200 ziyinza okukendeera oba okweyongeramu ssinga obukiiko obw’enjawulo bunaamala okwanjula bajeti yaabwo n’egattibwa wamu okutegeera ensimbi ezetaagisa okutekateeka omukolo gwonna“.
Hajji Musoke alambuludde nti obukiiko obw’enjawulo kuliko akatekateeka okusanyusa abagenyi, okwambala kw’omugole Rema, eby’okulya n’eby’okunywa, okutimba n’obukiiko obulala.
Mungeri y’emu agambye nti Rema mu kiseera kino ali mu ggwanga erya Turkey oluvanyuma ayolekere eggwanga erya Buyindi okugula ebyambalo by’omugole ne byokwewunda.
Bajeti y’omukolo gwa Rema eyogeza mikwano gya Eddy Kenzo obwama era abamu bagambye nti Dr.Hamza ayagala kulaga Kenzo nti ssente weeri okulabirira abadde mukyala we Rema n’omwana we Aamal Musuuza Malaika.
