Omuyimbi Rema Namakula ne bba Dr. Hamzah Ssebunya bafundikidde okulya obulamu ku Chobe Safari Lodge era basiibudde enkya ya leero.
Oluvanyuma lwa Rema okwanjula Dr. Hamzah mu bazadde nga 14, November, 2019 omusajja yamutwala okulya obulamu n’okwegyako ebirowoozo okuva ku Mmande okutuusa olunnaku olwaleero ku Lwokutaano era balambudde ebifo eby’enjawulo.
Rema ne Hamzah basiimbye omuti gw’ekijjukizo ku Chobe, oluvanyuma bayise abakozi bonna okwekubya nabo ebifananyi n’okubasiibula badde eka era Rema asobodde okweyambisa omukutu ogwa Instagram okulaga nti basiimbudde, “From the Sebunyaz and Chobe staff, We sign out“.
Kigambibwa Rema abadde atandiise okufuna ebirowoozo by’omwana we Aamal ate yafunye amawulire nti kitaawe Eddy Kenzo yakomyewo mu Uganda okuva mu kibiga Dubai ng’abadde alina okuvaayo okusobola okulabirira omwana we kuba Kenzo ayinza okwekyanga namutwala.
