Poliisi y’e Kitgum ekutte omuyimbi Roy Pimungu amanyikiddwa nga Lil Roy ku by’okulemwa okuyimba ku lusooka omwaka nga 1, Janwali, 2020.
Roy yali alangiddwa okuyimba ku Hotero ya Bomah mu Monisipaali y’e Kitgum, ng’abadigize basanyuka olw’okuyingira omwaka omuggya kyokka baamulinda okutuusa abantu okwekyawa nga talabiseeko.
Omutegesi w’ekivvulu ekyo Jackeline Oyella agambye nti Roy yamuwa emitwalo 550,000 okuyimba ssaako n’okumutambuza.
Oyella agamba nti Roy akwattiddwa okomyawo ssente zebaamuwa ate mu kiseera kino yetaaga obukadde 2 olw’okubafiiriza ssente ku lunnaku olwo.
Mungeri y’emu agambye nti okwattibwa kwe, kigenda kusindiika eky’okuyiga mu bayimbi mu kitundu kyabwe, abasukkiridde okwebulankanya gye balangiddwa.
Ku nsonga eyo, omwogezi wa Poliisi mu bitundu bya Aswa, Jimmy Patrick Okema agambye nti Roy baamukwattidde mu Monisipaali y’e Gulu era atwaliddwa ku kitebe kya Poliisi e Kitgum.
