Poliisi ewonyezza omusajjja John Namulemye abadde agenda okuttibwa abatuuze b’e Kyebando mu Divizoni y’e Kawempe ku by’okubba obuggaali maanyi ga kifuba, obukola omulimu gwa bodaboda.
omu ku batuuze agaanye okwatuukiriza erinnya lye, agambye nti aba abatuuze nga bali wamu n’abavuga obuggaali, bagwikirizza Namulemye ng’atikka obugaali obukadde mu takisi UBE 107F, ekibatabudde.
Abatuuze, batandikiddewo okumukuba era wakati nga batekateeka okumuteekera omuliro, Poliisi wetuukidde okumutaasa era atwaliddwa ku Poliisi Kalerwe.
Fred Bategeka omu ku bavuzi ba bodaboda y’obuggaali Kalelwe agambye nti ababbi, basukkiridde mu kitundu kyabwe era eggali ezisukka 12 zibiddwa, ekirese bangi ku banaabwe nga tebalina mirimu.
Ate Amuza Mukalaza nga naye ali mulimu gwa bodaboda, agambye nti bangi ku banaabwe eggaali zitwaliddwa kyokka Poliisi obutafaayo kunoonyereza y’emu ku nsonga lwaki babadde balina okutwalira amateeka mu ngalo.
Eddoboozi lya Mukalaza
