Ekitongole ekivunaanyizibwa ku bigezo mu ggwanga ekya UNEB olunnaku olwaleero, lwe kigenda okufulumya ebigezo by’abayizi eby’ekibiina eky’omusanvu (P7) eby’omwaka 2019.
Abayizi 695,793 be beewandiisa okutuula ebigezo bya P7 omwaka oguwedde nga baabikolera mu bifo 13,475 ng’abawala bakola ebitundu 51.7 ku 100.
Ku mulundi, emikolo gitwaliddwa ku ssomero lya Kampala Parents era gigenda kulemberwamu Kabiite w’omukulembeze w’eggwanga era Minisita avunaanyizibwa ku byenjigiriza mu ggwanga Janet Kataha Museveni ku ssaawa 5 ez’okumakya.
Okusinziira ku kalenda ya minisitule y’ebyenjigiriza, olusoma olusooka 2020, abayizi ba lutandika ku Mmande nga February 3, 2020 lukomekkerezebwe nga May 1, 2020.
Mu kiseera kino, abayizi, abazadde ssaako n’abasomesa balindirira ebigezo.
