Ekitongole kya Poliisi ekya Flying Squad kikutte omusajja ku bya mukyala we okubuzibwawo mu ngeri ekyatankanibwa.
Omusajja akwattiddwa ategerekeseeko erya Musisi nga mutuuze we Nabweru, e Kawempe oluvanyuma lwa mukyala we Fatuma Nasuna okubula wiiki ewedde.
Okusinzira ku mwogezi wa Poliisi mu Kampala n’emirirwano, Patrick Onyango, famire y’omukyala yaddukidde ku poliisi okuyambibwa olwa bba okwebuzabuza ku mayitire ga mukyala we.
Onyango agamba nti Musisi atwaliddwa ku Poliisi y’e Kawempe okutuusa nga mukyala we azuuliddwa.
Mungeri y’emu agambye nti kyewuunyisa omukyala okubula kyokka omusajja naalemwa okutegeeza ku Poliisi, ekiraga nti ayinza okubaako kyamanyi.
