Obunkenke bweyongedde mu ggwanga erya China ng’omuwendo gw’abantu abaakafa ekirwadde kya ssennyiga ekimanyiddwa nga coronavirus gweyongedde obungi.
Okusinzira kw’alipoota okuva mu ggwanga erya China, abantu 43,090 bebalina ssennyiga webukeredde olunnaku olwaleero.
Ate Minisitule evunaanyizibwa ku byobulamu mu ggwanga erya China egamba nti 1016 bebakafa.
Mungeri y’emu bagambye nti abantu 2 bebakafa mu ggwanga erya Philippines ne Hong Kong.
Ate abantu 4,000, Minisitule agambye nti baafunye obujanjabi era baasibuddwa mu malwaliro.
Ssennyiga owa coronavirus yasookera mu kibuga Wuhan wabula ayongedde okusasaanira eggwanga erya China ssaako n’amawanga amalala era kitegerekese nti yatuuse dda mu ggwanga okuli Japan, Singapore, South Korea, Thailand, Vietnam, America n’ensi endala.
Mu nsi yonna, abalina obulwadde bali 43,105 ate abaakafa bali 1,018.
Olunnaku olw’eggulo ku Mmande abantu 108 beebafudde mu ggwanga erya China ate 2,478 bakebeddwa nga bafunye obulwadde.
Mu kiseera kino, eggwanga erya South Korea lizzeemu okusindika ennyonyi ey’okusatu mu ggwanga erya China okuggyayo bannansi baayo.
