Poliisi e Busia ekutte omusajja abadde yefuula nti musirikale era abadde anoonyezebwa ku misango gy’okubba abantu ssente.
Charles Owori myaka 43 yakwattiddwa okuva ku kyalo Agata mu ggombolola y’e Buteba.
Owori abadde yeeyita Philip Walimbwa omukozi mu kitongole ekikesi okuva mu State House mbu yasindikiddwa omukulembeze w’eggwanga okubaako byanoonyereza.
Okusinzira kw’adduumira Poliisi mu disitulikiti y’e Busia Eriya Elepot, Owori wadde akwattiddwa alina akabinja k’abantu abalala nga bakolagana okuggyako abantu ssente mu lukujjukujju era okunoonyereza kutandikiddewo.
Fred Bwire omu ku batuuze agambye nti Owori gubadde mulundi gwakubiri ng’akwatibwa ku misango gye gimu nga yefuula omusirikale okukyeyambisa okubba abantu.
