Poliisi ekutte omusajja ku by’okutta muganzi we, omulambo nagusuula mu mwala ku luguudo lwe Mambule mu Divizoni y’e Kawempe, mu kiro ekikeseza olwaleero.
Okusinzira ku mwogezi wa Poliisi mu Kampala n’emirirwano Patrick Onyango, Segawa Abubakar amanyikiddwa nga Computer olw’amaze okutta muganzi we, omulambo gwazingiddwa mu kiveera, kwe kuyita mikwano gye okuli Sekatawa Henry amanyikiddwa nga Silver n’omulala ategerekeseeko erya Bogere, okusuulayo omulambo.
Poliisi egamba nti waliwo omu ku batuuze, eyalabye nga basuula ekintu mazzi ekiringa omulambo, kwekutemya ku poliisi.
Abasirikale baasindikiddwa, era mu kiveera musangiddwamu omulambo gw’omukyala ne gutwaliddwa mu ddwaaliro ekkulu e Mulago okwekebejjebwa.
Onyango agamba nti 3 bakwattiddwa era batwaliddwa ku Poliisi y’e Kawempe ku misango gy’obutemu.
Mungeri y’emu agambye nti Poliisi etandiise okunoonyereza okuzuula ebikwata ku mukyala eyattiddwa era kiteeberebwa nti obutakaanya y’emu ku nsonga lwaki omusajja yasse muganzi we.
Wabula omu ku batuuze agaanye okwatuukiriza erinnya lye agambye nti yewunyiza Segawa okutta muganzi we kuba abadde amwagala nnyo.
Mungeri y’emu agambye nti ensonga z’omu kisenge eyinza okuba emu ku nsonga lwaki yamusse kuba kirabika omukyala abadde tamutuusa bulungi ku ntikko.
Eddoboozi lya Onyango
