Bannamaggye ba Uganda People’s Defense Forces-UPDF 4 mu disitulikiti y’e Bushenyi bakwattiddwa ku misango gy’obutemu n’okusobya ku mukyala.
Abakwate amannya gasirikiddwa bagiddwa ku kyalo Kyabugimbi akawungeezi k’olunnaku olw’eggulo ku Lwomukaaga.
Martial Tumusiime, omwogezi wa Poliisi mu Greater Bushenyi agambye nti aba UPDF abakwattiddwa kigambibwa baakubye Vincent Tumuhirwe amasasi agaamuse abadde omutuuze ku kyalo Kyeigombe akawungeezi k’olunnaku Olwokutaano.
Mungeri y’emu agaanye okwatuukiriza amannya gaabwe kuba kiyinza okutaataganya okunoonyereza.
Ate Charles Muhwezi, ssentebbe w’ekyalo Kyeigombe agamba nti aba UPDF abakwattiddwa baasobeza ku mukyala myaka 22 mu kitundu kye.
Maj. Charles Kabona, omwogezi wa UPDF ow’ekibinja ekyokubiri agambye nti basindise abakugu okunoonyereza mu bwangu.
Eddoboozi lya Kabone
