Poliisi eri mu kunoonya jjajja ku kyalo Nabyewanga mu ggombolola y’e Nkozi mu disitulikiti y’e Mpigi ku misango gy’okusobya ku mwana omuto, ali mu gy’obukulu 14.
Jjajja Katongole Richard aliira ku nsiko mu kiseera kino, oluvanyuma lw’okutemezebwako nti Poliisi emunoonya ku musango gw’okujjula ebitanajja.
Okusinzira kw’amyuka omwogezi wa Poliisi mu ggwanga Polly Namaye, Jjajja Katongole abadde abeera n’omwana kyokka bewunyizza okufuna olubuto, ekyatiisizza jjajja mukyala era amangu ddala yaddukidde Poliisi okunoonyereza omusajja eyakutte muzukkulu we namutikka n’olubuto.
Namaye agamba nti, Katongole yadduse wabula Poliisi ekutte owa bodaboda, agambibwa okubaako kyamanyi ku mwana eyasobezeddwako.
