Minisitule y’ebyobulamu efulumizza ebikwata ku bantu 21 abazuuliddwa nti balwadde ba Covid-19 mu kiro ekikeseza olwa leero.
Uganda mu kiseera kino erina abalwadde ba Covid-19 160 oluvanyuma lw’okuzuula baddereeva 21 abalala ng’abalwadde.
Baddereeva abazuuliddwamu obulwadde baayitiddemu ku nsalo y’e Mutukula, Busia ne Elegu era omuwendo gwa baddereeva abatambuza ebyamaguzi abalwadde baweze 100.
Minisitule eraga nti abalwadde abazuuliddwa kuliko bannansi ba Kenya 8, Tanzania 7, Uganda 5 ne South Sudan 1.
Ate ku ‘sampo’ 303 okuva mu bantu babuligyo, temuli yazuuliddwa nga mulwadde.
Mu kiseera, Uganda yakasiibula abalwadde 63 okuva mu malwaliro nga bawonye bulungi nnyo.
