Omuyimbi King Michael ali mu ssanyu oluvanyuma lw’okusisinkana omukulembeze w’eggwanga lino Yoweri Kaguta Museveni sabiti ewedde ku Lwokutaano.
Pulezidenti Museveni yabadde mu kivvulu ky’omuyimbi Catherine Kusasira ku Serena mu Kampala.
King Michael yasobodde okufuna omukisa okwogerako ne Pulezidenti Museveni ku nsonga ze kuba abadde amunoonya okumutegeeza ebizibu bye.
Ku nsonga eyo, King Michael agambye nti yategeezeza Pulezidenti Museveni nti ye muwagizi nnyo wa kibiina kya National Resistance Movement (NRM).
Mungeri y’emu agambye nti, “Ndi mu ssanyu kuba Pulezidenti Museveni akirizza okuwuliriza ensonga zange era andagidde okukwatagana ne Kusasira okuntwala mu State House era nze ebitaala bintadde“.
King Michael era agambye nti ye musajja muguminkiriza era y’emu ku nsonga lwaki Omutonzi ayanukudde okusaba kwe.
King Michael ali mu bizibu oluvanyuma lwa konsati ye eyali ku Freedom City nga 23, August, 2019 okumusala era mu kiseera kino ali mu mabanja.
