Omuwendo gw’abantu abaakafa mu bukiika kkono bw’eggwanga erya Kenya mu ssaaza lye Pokot gweyongedde nga mu kiseera kino baweze 42.
Okusinzira ku kaminsona Apollo Okelo emirambo 11 tebanaba kugizuula.
Enkuba efuddemba ensangi zino mu ggwanga erya Kenya, y’emu ku nsonga lwaki amataba gasazeeko essaaza lye Pokot ne gatta abantu ssaako n’okusanyawo ebintu.
Ku baafudde, waliwo famire eyafiiriddwa abaana 8, agamu ku mayumba gaasigadde ku ttaka, ebisolo byattiddwa era omukulembeze w’eggwanga eryo Uhuru Kenyatta yasindise dda abasirikale mu kitongole eky’amaggye, okuddukirira abantu abali mu kitundu ekyo.
Okuva omwezi oguwedde ogwa October, abantu abasukka 50 bafudde olw’amataba, abasukka mu 1,000 basenguddwa.
