Abatuuze bakakanye ku musajja abadde yakayimbulwa ku misango gy’okusobya ku mwana omuto ne bamukuba okutuusa lw’afudde mu ggombolola y’e Agoro mu disitulikiti y’e Lamwo.
Okusinzira ku mwogezi wa Poliisi mu bitundu bye Aswa, Jimmy Patrick Okema, Rachael Okot, abadde mutuuze ku kyalo Lopulingi, yattiddwa akawungeezi k’olunnaku olw’eggulo ku Lwokubiri, bwe yabadde akiriziddwa okweyimiriddwa omulamuzi wa kkooti esokerwako e Lamwo.
Okot olwayimbuddwa, yasibidde mu bbaala era yatuuse awaka nga yenna atamidde, kwe kutandika okulwanagana n’ab’enganda ze era mu kulwanagana, muto we Ronald Okot yamenyeddwa omukono, ekyatabudde abatuuze, okutandiika okumukuba.
Poliisi egamba nti Okot, yaddusiddwa mu ddwaaliro erya Agoro Health Center III ng’ali mu mbeera embi, gye yafiiridde oluvanyuma.
Mu kiseera kino, Poliisi ekutte taata w’omugenzi ku misango gy’obutemu ate omulambo gukyali mu ddwaaliro lya Agoro okwekebejjebwa.
